O‘zbekiston Milliy universiteti Jurnalistika fakulteti va O‘zbekiston Jurnalistlar uyushmasi hamkorligida 2023-yil 24-noyabr kuni O‘zMU Axborot-resurs markazida “Milliy jurnalistika: an’ana, nazariya va amaliyot uyg‘unligi” mavzusida davra suhbati o‘tkazildi.

Davlatimiz rahbarining 2022-yil 27-iyundagi “Ommaviy axborot vositalarini qo‘llab-quvvatlash va jurnalistika sohasini rivojlantirish chora-tadbirlari to‘g‘risida”gi qarori ijrosi doirasida tashkil etilgan davra suhbatida O‘zbekiston Jurnalistlar uyushmasi mas’ullari, O‘zbekiston Milliy universiteti jurnalistika fakulteti professor-o‘qituvchilari, talabalar, ommaviy axborot vositalari vakillari, blogerlar ishtirok etdi.