Mirzo Ulug`bek nomidagi O`zbekiston Milliy universiteti nafaqat O`zbekistonda, balki Markaziy Osiyoda birinchi va yetakchi oliy ta`lim muassasasi hisoblanadi: 15 ta fakultet, 80 ta kafedra, 16 ta qo‘shma ta’lim dasturi, Bitiruvchilar soni 200 000+
Uzb
Uzb

Shaxsga doir ma’lumotlarni oshkor etishga yo‘l qo‘ymaslik yuzasidan yig‘ilish o‘tkazildi

Bugun, 7-avgust kuni O‘zbekiston Milliy universitetida Korrupsiyaga qarshi kurashish “KN” TB bo‘limi tomonidan manfaatlar to‘qnashuvini tartibga solish va aniqlashda ishtirok etadigan xodimlarga ishonib topshirilgan yoxud ularga kasbiy, xizmat yoki mexnat majburiyatlarini bajarishi munosabati bilan ma’lum bo‘lib qolgan shaxslarning shaxsga doir ma’lumotlarini oshkor etishga yo‘l qo‘ymasligi yuzasidan yig‘ilish tashkil etildi.

Unda soha prorektorlari, boshqarma va bo‘lim boshliqlari, fakultet dekanlari hamda tegishli mas’ullar ishtirok etdi. Yig‘ilishni universitetning o‘quv ishlari bo‘yicha prorektori Shuhrat Toshmatov kirish so‘zi bilan ochib berdi. Shuningdek, “Manfaatlar to‘qnashuvi” va “Shaxsga doir ma’lumotlarni oshkor etishga yo‘l qo‘ymaslik” to‘g‘risida videorolik namoyish etildi.

Mazkur mavzu bo‘yicha Korrupsiyaga qarshi kurashish “KN” TB bo‘limi boshlig‘i Sh.Gʻulomov, O‘quv ishlari bo‘yicha boshqarma boshlig‘i yuridik fanlari doktori professor V.Topildiyev va jurnalistika fakulteti dotsenti T.Eshbekov, hamda moliyaviy-iqtisodiy ishlar bo'yicha prorektor V. Yodgorovlar ma’ruza qildilar.

Yig‘ilish davomida qatnashuvchilarning savollariga javob berilib, mavzu batafsil tushuntirildi.

O‘zMU Axborot xizmati