Ilmiy ishlar va innovatsiyalar bo‘yicha prorektor, fizika-matematika fanlari doktori, professor Yoqub Ergashov O‘zMU huzuridagi Biofizika va biokimyo institutida bo’lib, u yerda olib borilayotgan ilmiy tadqiqot ishlari bilan tanishdi.
🔸 Ma'lumot o'rnida, Biofizika va biokimyo instituti biologiya yo‘nalishidagi ilmiy tadqiqot instituti bo‘lib, o‘z faoliyati davrida mamlakatimizda biologiya, biotexnologiya va farmakologiya yo‘nalishlari bo‘yicha ilm-fanni va ta’limni rivojlantirishga, shuningdek, respublika iqtisodiyotining turli tarmoqlari, maorif, oliy ta’lim va boshqa sohalari uchun kadrlar tayyorlashga salmoqli hissa qo‘shmoqda.
