Хорижий абитуриентлар учун

БИЗ СЕН БИЛАН, СИРДАРЁ!

Ётган эдим сўзга тўн бича
Туйқусдан зах тортди курагим.
Сардобага қўшилиб кеча
Ўпирилиб тушди юрагим... 

Эзгин-эзгин хаёллар сурма,
Дард устига малҳам ёпилар.
Қаддингни тут,
Дўстим, қайғурма – 
Бош омонса, дўппи топилар.

Ёнингда – соғ-саломат, мана,
Фарзандларинг, жуфти ҳалолинг.
Эрта ўсар гуркираб яна
Сув остида қолган ниҳолинг.

Ёнингда – тош келса кемириб,
Сув келганда симирган шу халқ.
Бир байроқнинг остига кириб,
Ҳатто тоғни емирган бу халқ.

Кел, 
Келавер, 
Тортинма, дўстим,
Сеникидир уйимнинг тўри.
Бугун сувдан аланга олди
Ҳаттоки тош юраклар қўри.

Сен-чун мудом ёрдамга шаймиз,
Ортда қолар бу кунлар, иллло,
Сени ёлғиз ташлаб қўймаймиз,
Биз сен билан, аҳли Сирдарё!

© Отабек Тиллаев

Sardobaliklar

 

Ollohim bir imlasa oqqan daryo tinarkan,

Yaxshi ko‘rgan bandasin tashvish  berib sinarkan

Sabrni yor bilganni mukofot-la  siylarkan

Bu qora kunlaringiz o‘tar Sardobaliklar,

Muborak tonglar sizni kutar Sardobaliklar.

 

Kim o‘ylabdi bu ofat  to‘satdan kelishini,

Suvga ko‘mib uyingiz bag‘ringiz tilishini

Banda to‘xtata olmas  Yaratganning ishini

Bu qora kunlaringiz o‘tar Sardobaliklar,

Muborak tonglar sizni kutar Sardobaliklar.

 

Qarang atrofingizga, barchangiz sog‘-salomat,

Topilajak mol-dunyo omon bo‘lsangiz albat.

Ollohga shukr deysiz ko‘rsangiz ham talofat

Bu qora kunlaringiz o‘tar Sardobaliklar,

Muborak tonglar sizni kutar Sardobaliklar.

 

Azaldan o‘zbek xalqi kulfat tushsa birlashgay,

Burda non topib olsa bir-biriga ulashgay

Qovushtirmay qo‘llarin ko‘mak berib qo‘llashgay.

Bu qora kunlaringiz o‘tar Sardobaliklar,

Muborak tonglar sizni kutar Sardobaliklar.

 

Karona virus xavfi hukm surgan zamonda,

Duodamiz siz uchun muqaddas ramazonda.

Tutashmoqda mustahkam dillar  O‘zbekistonda,

Bu qora kunlaringiz o‘tar Sardobaliklar,

Muborak tonglar sizni kutar Sardobaliklar.

 

Mahzuna Abdurasulova


Асосий кўрсаткичлар
1182 Professor-o‘qituvchilar soni
26796 Jami talabalar soni
3500000 ARM fondi
52 Yo‘nalish bakalavr
71 Mutaхassislik magistratura