Хорижий абитуриентлар учун

Зиё улашаётган устозлар

Ўзбекистон Миллий Университети профессор - ўқитувчилари ёшларимизни касбга йўналтириш, уларнинг жамиятда ўринларини топиб кетишда керакли маслаҳатларини бериш,  ибратли ҳаёт кечириб, илм ва ижод билан шуғулланиб келаётган олимлар билан маҳаллаларда давра суҳбатлари ўтказишни анъанага айлантирган. Куни кеча хорижий филология факультетининг Инглиз филологияси кафедраси жамоаси ҳам “Ғалаба” маҳалласига ташриф буюрди.

Хорижий филология факультети Инглиз филологияси кафедраси мудири, профессор Джумабаева Жамила:

-Биз Олмазор тумани “Ғалаба” маҳалла фуқаролар йиғини раисининг оила ва хотин-қизлар, ижтимоий-маънавий масалалар бўйича ўринбосари Худжаева Адина Вассиевна билан учрашдик.


Ташрифимиз чоғида биз кичик бир тадбирнинг устидан чиқдик. У ерда фуқароларнинг бандлигини таьминлаш ҳамда ишсизликни олдини олиш мақсадида бўш иш ўринлари юзасидан давра суҳбати ўтказилди. Бўш иш ўринлари флайерлари таништирилди. Ёшлар билан сухбат ва тушунтириш ишлари олиб борилди. Жумладан, Қора қамиш 2/4 58-уй 8-хонадонда яшовчи фуқоро Каримова Мафтуна Олим қизи  Банк коллежини тамомлаган ва 1 йилдан буён ишсиз. Ушбу фуқарога “Маселко” хусусий корхонасида бўш иш ўринлари борлиги айтилди ва корхона фаолияти билан таништирилди. Шунингдек, Юнусова кўчаси 2-й 19-хонадонда яшовчи  фуқаро Акрамова Мехруза Ибодулла қизи 1992-йилда туғилган касби хамшира, вақтинча ишсиз. Ушбу фуқаро хам бўш иш ўринлари билан таништирилди ва 1-сонли ўткир касалликлар шифохонасига йўналтирилди. Албатта бу каби давра суҳбатларининг асосий мақсади аҳолини ижтимоий-иқтисодий жиҳатдан янада ривожлантириш, хусусан хотин-қизлар, ёшлар ва кам таъминланган фуқаролар бандлигини таъминлаш орқали уларнинг даромадларини ва турмуш даражасини оширишдир.

Олмазор тумани Сектор раҳбарлари томонидан ташкил этилган кўчма савдо ярмаркасида маҳалла фуқароларини арзонлаштирилган озиқ овқат билан таьминлаш ишларига гувоҳ бўлдик. Аҳолининг узоғини яқин қилиш, қолаверса пандемия даврида ҳаётини хавф остига қўйиб бозорларга чиқмасликлари учун маҳаллаларда ташкиллаштирилаётган бу каби арзонлаштирилган сайёр озиқ-овқат ярмаркалари ўз самарасини кўрсатиб келмоқда. Унда озиқ-овқат маҳсулотлар, полиз ҳамда гўшт маҳсулотлари арзонлаштирилган нархларда фуқароларга тарқатилди.


Кафедра жамоаси маҳалла ёшлари билан давра суҳбати ўтказди. Суҳбат якунида китобхонлик бўйича, тил ўрганиш, ёшлар ўртасида спорт мусобақалари ташкил этиш борасида фикр-мулоҳазалар алмашинилди. Ҳамкорлик тизимли бўлиши ва келажакдаги режалар ҳақида келишиб олинди.

ЎзМУ Ахборот хизмати


Асосий кўрсаткичлар
1182 Professor-o‘qituvchilar soni
26796 Jami talabalar soni
3500000 ARM fondi
52 Yo‘nalish bakalavr
71 Mutaхassislik magistratura