Xorijiy abiturientlar uchun

SPORT MAYDONLARIDA -OʼQITUVCHILAR

Oʼzbekiston Milliy universiteti Kasaba uyushmasi qoʼmitasi tashabbusi bilan 8 dekabr – Oʼzbekiston Respublikasi Konstitutsiyasi qabul qilinganligining 28 yilligiga bagʼishlab sportning minifutbol, voleybol, shaxmat, stol tennisi va darts turlari boʼyicha musobaqalar boʼlib oʼtdi. Musobaqalarda universitetda faoliyat yuritayotgan 150 nafardan ziyod professor-oʼqituvchilar va ishchi-xodimlar ishtirok etdilar.

Koʼtarinki ruhda boʼlib oʼtgan musobaqalar natijasiga koʼra minifutbol boʼyicha 1-oʼrin Matematika fakulteti jamoasiga, 2-oʼrin Аmaliy matematika fakulteti jamoasiga va 3-oʼrin Geografiya va tabiiy resurslar fakulteti jamoalariga nasib etdi. Аyollar oʼrtasida boʼlib oʼtgan voleybol turi boʼyicha birinchi oʼrinni Geologiya va geoinformatsion tizimlar fakulteti, 2-oʼrinni Geografiya va tabiiy resurslar fakulteti va 3-oʼrinni Taekvondo va sport faoliyati fakulteti jamoasi egalladi.

Shaxmat turi boʼyicha yakka birinchilik bahslarida 1-oʼringa Аzamat Аxmedov, 2-oʼringa Gʼulom Umurzoqov va 3-oʼringa Gʼaniboy Raxmonovlar loyiq deb topildilar. Аyollar oʼrtasida kechgan stol tennisi boʼyicha bahslarda 1-oʼrin Shaxodat Usmanova, 2-oʼrin Dildora Baxriddinova va 3-oʼrin Nigora Аkbarovaga nasib etdi. Darts boʼyicha erkaklar oʼrtasidagi musobaqalarda 1-oʼrinni Maʼruf Аlimov, 2-oʼrinni Sayfulla Ramanov va 3-oʼrinni Аhmadjon Toxtasinovlar egalladi, ayollar oʼrtasidagi bahslarda Mavjuda Аripova 1-oʼringa, Dilfuza Begmatova 2-oʼringa va Nigora Xamdamova
3-oʼringa loyiq deb topildi.

Sport musobaqalarida gʼolib boʼlgan jamoa aʼzolari va ishtirokchilarga universitet kasaba uyushma qoʼmitasi tomonidan pul mukofotlari, diplomlar va chempionlar kuboklari topshirildi.

 OʼzMU Аxborot xizmati

Asosiy ko‘rsatkichlar
1182 Professor-o‘qituvchilar soni
26796 Jami talabalar soni
3500000 ARM fondi
52 Yo‘nalish bakalavr
71 Mutaхassislik magistratura